Ligerz het e schöni Chyuche
z'mitts i de grüene Räbe
Alli chöi do Friede finde
Bi Sunneschyn und Räge
Ihr Chyuche het es prächtige Fänschter
Mit farbige Schyybe drin
Und si verzelle vieli Gschichte
Si sie i üsem Sinn
Dr Turm där luegt i ds Seeland use
Aer gseht ou die höche Bärge
Do si mier Aerdemöntsche
Drnäbe nume Zwärge
Dr Piugerwäg geit do verbi
Unger de alte Bäume
Uf de Bänkli cha me sinne
oder ou chly träume